Paul Adrien Maurice Dirac, (8 d'agostu de 1902, Bristol – 20 d'ochobre de 1984, Tallahassee) foi un físicu teóricu británicu que contribuyó de forma fundamental al desenvolvimientu de la mecánica cuántica y la electrodinámica cuántica. Ocupó la Cátedra Lucasiana de matemátiques de la Universidá de Cambridge, magar pasó los últimos diez años de la so vida na Universidá Estatal de Florida. Ente otros descubrimientos formuló la ecuación de Dirac que describe'l comportamientu de los fermiones y cola cual predixo la esistencia de l'antimateria. Dirac compartió'l premiu Nobel de Física de 1933 con Erwin Schrödinger, «pol descubrimientu de nueves formes granibles de la teoría atómica».
© MMXXIII Rich X Search. We shall prevail. All rights reserved. Rich X Search